Western odisha ra ganaparba NUAKHAI

ପଶ୍ଚିମ ଓଡିଶା ର  ମହାନ ଗଣପର୍ବ "ନୂଆଖାଇ " ବହୁତ ଦିନ ରୁ ପାଳନ କରାଯାଉଛି ।ଇତିହାସ ଅନୁସାରେ ତତ୍କାଳୀନ ପାଟଣା ରାଜା ରମାଇ ଦେବ 1360 ମସିହାରୁ ନୂଆଖାଇ ପର୍ବ କୁ ଗଣ ପର୍ବ ର ମାନ୍ୟତା ଦେଇଥିବାର ସୁଚନା ଅଛି । ସମଗ୍ର ପଶ୍ଚିମ ଓଡିଶା ଏକ କୃଷି ପ୍ରଧାନ ଅଂଚଳ ହୋଇଥିବାରୁ ଏହାକୁ କୃଷି ଭିତ୍ତିକ ପର୍ବ ମଧ୍ୟ କୁହାଯାଏ । ଅଂଚଳରେ ବସ ବାସ କରୁଥିବା ଲୋକେ ନିଜର ପରମ୍ପରା ଓ ସଂସ୍କୃତି ଅନୁସାରେ ବିଭିନ୍ନ ଗଛ ର ପତ୍ର ସଂଗ୍ରହ କରି ସେହି ପତ୍ର ରେ ନୂଆଖାଇ ପାଳନ କରିବା ଏକ ନିଆରା ପରମ୍ପରା ଏଠାରେ ଦେଖିବାକୁ ମିଳେ ।
ଆମେ କୁଲତା ଜାତିରେ ମହୁଲ ପତ୍ରରେ ଖାଦ୍ୟ ଏବଂ ଭୋଗ ପରସି ନୂଆଖାଇ ପାଳନ କରିଥାଉ ।ମହୁଲ ପତ୍ରରେ ଆମେ କାହିଁକି ନୂଆଖାଇ ପାଳନ କରୁ ସେ ବିଷୟରେ କୌଣସି ତଥ୍ୟ ଭିତ୍ତିକ ସୁଚନା ନ ଥିଲେ ମଧ୍ୟ ଆମେ ସ୍ବାସ୍ଥ୍ୟ ଗତ ଦୃଷ୍ଟିରୁ ଏହାର ବହୁତ ଭଲ ଗୁଣ ଥିବାରୁ ହୁଏତ ଏହାକୁ ଆମର ପୁର୍ବଜ୍ ଗ୍ରହଣ କରିଥାଇ ପାରନ୍ତି ।ଏ ବିଷୟରେ ନିହାତି ଭାବରେ ଗବେଷଣା ର ଆବଶ୍ୟକତା ରହିଛି ।
ଅନ୍ୟାନ୍ୟ ଖାଦ୍ୟ ପାତ୍ର ଅପେକ୍ଷା ପତ୍ର ଖଳି ଅଧିକ ସ୍ୱଚ୍ଛ ଏବଂ ସ୍ବାସ୍ଥ୍ୟ ପାଇଁ ହିତକର ।ପତ୍ର ଉପରେ ଥିବା ପ୍ରାକୃତିକ ଆଚ୍ଛାଦନ ଯାହା ଖାଦ୍ୟ ପରସିବା ପରେ ଖାଦ୍ୟ ସହ ମିଶି ଏକ ଅଲଗା ସୁଗନ୍ଧ ଏବଂ ସ୍ୱାଦ ଖାଦ୍ୟ ରେ ମିଶିଥାଏ । ପତ୍ର ସହଜ ରେ ପଚି ପାରେ ତେଣୁ ପରିବେଶ ପ୍ରତି ଏହାର ପ୍ରତିକୂଳ ପ୍ରଭାବ ପଡ଼ିଥାଏ ଏବଂ ପଚିଵା ପରେ ଉତ୍ତମ ଖତ ରୁପରେ ବ୍ୟବହାର ହୋଇ ପାରେ ।
ଦିନକୁ ଦିନ ଗଛ ସଂଖ୍ୟା କମିବାରେ ଲାଗିଛି ଆଉ ତା ଭିତରେ ମହୁଲ ଗଛ ମଧ୍ୟ ରହିଛି ।ବହୁତ କମ ପରିମାଣ ରେ ଏବେ ମହୁଲ ଗଛ ଦେଖାଯାଉଥିବାରୁ ବହୁତ ଅସୁବିଧା ର ସମ୍ମୁଖିନ କରିବାକୁ ପଡିପାରେ । ଏହାର ପ୍ରଭାବ ଗାଁ ଅପେକ୍ଷା ସହରରେ ଅଧିକ ଦେଖା ଦେଇପାରେ ।ଏଣୁ ସମସ୍ତଙ୍କୁ ଅନୁରୋଧ ଆବଶ୍ୟକ ପରିମାଣ ର ପତ୍ର ତୋଳନ୍ତୁ ।କୌଣସି ଗଛ ର ଶାଖା ପ୍ରଶାଖା କାଟନ୍ତୁ ନାହିଁ କି ଅନ୍ୟ କୁ କାଟିବାକୁ ଦିଅନ୍ତୁ ନାହିଁ ।ସେହି ଶାଖା ରୁ ଆସନ୍ତା ବର୍ଷ ପୁଣି ପତ୍ର ଆସିବ ଏବଂ ଆପଣ ପୁଣି ପତ୍ର ସଂଗ୍ରହ କରିପାରିବେ ।